Share |

राजेश हमाल आन्दोलनमा, चर्चित अनुहार ओझेलमै

काठमाडौं । चलचित्रकर्मीहरु आन्दोलनमा उत्रिएको १५ दिनपछि नायक राजेश हमाल आन्दोलनप्रति नैतिक समर्थन जनाउन अनशन स्थलमा पुगेका छन् । नौ बुँदे माग राख्दै चलचित्र विकास बोर्ड परिसरमा २४ घण्टे रिले अनशनमा बसेका चलचित्रकर्मीलाई भेट्न उनी ढिलै भएपनि पुगेका छन् ।

बोर्ड अध्यक्षमा फिल्म क्षत्रकै मान्छे राखिनुपर्ने मागसहित आन्दोलनमा चलचित्रकर्मी उत्रिए पनि चर्चित अनुहारहरु भने कमै देखिएकोमा आलोचना भईरहेको छ । हमालले भने आफू विदेशमा रहेकोले आन्दोलनमा सरिक हुन नपाएको प्रस्टीकरण दिएका थिए ।

सिनेमा क्षेत्रका चर्चित कलाकारहरुको साथ नपाएकोले आन्दोलन समेत प्रभावकारी बन्न सकेको छैन । करिष्मा मानन्धर सिंहदरबार घेराउमा देखिएपनि त्यसपछिका आन्दोलनबाट गायब भइन् । नयाँ कलाकारहरुलाई त चासै नभएको जस्तो देखिन्छ ।

आन्दोलन, जुलुसबाट युवा पुस्ता दिक्क भएको यसबाट बुझ्न सकिन्छ । नायक सौगात मल्ल, कर्मा, नायिकाहरु नम्रता श्रेष्ठ, केकी अधिकारी, बिनिता बराल, निशा अधिकारीजस्ता कलाकारहरु आन्दोलनको अग्रभागमा देखिएकै छैनन् । यद्यपि उनीहरुले आन्दोलनप्रति समर्थन रहेको भन्न भने छुटाउँदैनन् ।

आन्दोलनमा उत्रिएका कतिपयलाई माउ पार्टीले स्पष्टीकरण समेत लिएको छ । एकीकृत माओवादी सम्बद्ध नायिका मौसमी मल्ल, निर्देशक विमल पौडेललाई पार्टीले बोलाएर प्रस्टकरण लिइसकेको छ । सबै कलाकारमा एकमत नहुँदा आन्दोनलको गन्तव्य र प्रभावकारिता नै अफ्ठेरोमा पर्ने देखिन्छ ।





प्रतिक्रिया (२)

nabaraj ghimire भन्नुहुन्छ:

dhari ramro xa i like

pasagi भन्नुहुन्छ:

rajesh hamalgilai nai chairman banaye perfect hun6

तपाइको प्रतिक्रिया दिनुहोस्

नाम:
इमेल:
प्रतिक्रिया:
कोड: verification image, type it in the box