बल्ल खुल्यो बिनिताको ...

काठमाडौं । गुपचुप छायांकन सकाएर पनि नाम भने लुकाइएको बिनिता बराल अभिनित सिनेमाको न्वरानबारे बल्ल खुलाइएको छ । उनी तेस्रो सिनेमाबाट हिट मात्रै होइन 'सुपरहिट' बन्दैछिन् ।

निरञ्जन पाण्डेले निर्देशन गरेको 'सुपरहिट'को फस्ट लुक्स र प्रोमो सार्वजनिक गरिएको छ । बिनितासहित शिशिर राणा, मञ्जु श्रेष्ठको भूमिका देख्न पाइन्छ, सिनेमामा ।

बिनिता आरजेको भूमिकामा देखिनेछिन् । मादक स्वरमा आरजेमा जम्दाजम्दै उनको घाँटीमा खराबी आएपछि पेशा नै धराशयी हुने कथा चलचित्रमा हेर्न सकिनेछ ।

'सुपरहिट'का अधिकांश कलाकार थियटरका विद्यार्थी छन् । राणा र बरालबाहेक सबै नयाँ कलकारको बाहुल्यता रहेको छ ।