Share |

ओबामाको जितमा दंग नेपाली कलाकार

काठमाडौं । अमेरिकाकामा बाराक ओबामा पुनः राष्ट्रपति बनेर नेपाललाई के फरक पर्छ ? विश्व महाशक्ति भएको नाताले सार विश्वको ध्यान खिचिनु स्वभाविकै हो । नेपालमा चुनावकै बारेमा राजनीतिक दलहरुबीच खिचलो भएको महिनौ बितिसक्यो । सात समुद्र पारिको देश अमेरिकामा बाराक विजयी हुँदा नेपाली कलाकारहरु भने दंग छन् ।

उनीहरुले सोसल मिडियामार्फत आफ्नो खुशी पोखेका छन् । हास्य कलाकार हरिवंंश आचार्यले फेसबुकमा लेखेका छन्, 'अमेरिकाको राष्ट्रपतिमा बाराक ओबामा पुनः निर्वाचित भएकोमा बधाई । उनले नेपाल लगायत सबै राष्ट्रलाई हित हुने काम गरुन, उनलाई शुमकामना ।' हरिवंशको यो भनाईलाई १० हजारभन्दा बढीले लाइक गरेका छन् ।

'यतिबेला ओबामा र रोम्नीलाई जस्तो अनुभूति भईरहेको छ छोटोमा त्यही नै जीवनको परिभाषा हो ।' अहिले अमेरिकामै पुगेका नायक राजबल्लभ कोइरालाले साहित्यिक शैलीमा फेसबुक भरेका छन् । राजबल्लभ कवित लेख्नमा रुचि राख्छन् ।

निर्देशक सुरेश दर्पण पोखरेलले लामो स्ट्याटसमा आफू नेपालर्म भए पनि युएसको चुनावबारे लेख्न मन लागेको बताउँदै थप्छन्, 'संसारको एक महाशक्ति राष्ट्र अमेरिकाको लगाम कसको हातमा होला । त्यो त भोलिसम्म थाहा । तर बाराक ओबामाको कार्यशैलीबाट त्यहाँ रहेका अधिकांश नेपाली प्रभावित रहेको पाएँ । त्यसैले म बारककै साथमा छु ।'


तपाइको प्रतिक्रिया दिनुहोस्

नाम:
इमेल:
प्रतिक्रिया:
कोड: verification image, type it in the box