तीन दशकका दर्पण

काठमाडौं । पत्रकारिताबाट फिल्मी क्षेत्रमा छिरेका निर्देशक सुरेशदर्पण पोखरेलको उमेरले तीन दशक पूरा गरेको छ । उनी १९ कात्तिकबाट ३० वर्ष लागेका छन् । तीसौं जन्मदिनमा उनले नजिकका केही साथीभाइलाई घरमै बोलाएर पार्टी गरेका छन् ।

पोखरेलले नायक तथा निर्माता दिलीप रायमाझी, मुकेश ढकाल, देवु श्रेष्ठ लगातका एक दर्जन उपस्थित भएका थिए । रायमाझी दर्पण निर्देशित सिनेमा 'थ्री लभर्स'मा अतिथि कलाकारको रुपमा देखा पर्दैछन् ।

दर्पणको पछिल्लो यो सिनेमा २२ मंसिरमा रिलिज हुँदै छ । दर्पणले 'थ्री लभर्स'का अन्य कलाकारलाई भने निम्ताएनन् । सिनेमा व्यापार झरिरहेका बेला जन्मदिन मनाएका दर्पणको सिनेमाले कस्तो व्यापार गर्ने हो ? त्यसैमा उनको जन्मदिनको सार्थकता रहनेछ ।