Share |

छोरोकी आमा बनिन् ऋचा

काठमाडौं । गर्भवती हुँदा समेत ग्ल्यामरस फोटो खिचाउने नायिका ऋचा घिमिरे छोरोकी आमा भएकी छिन् । उनले आइतबार विहान साढे ११ बजे ओम अस्पतालमा छोरो पाएकी हुन् । ऋचालाई एक्कासी उच्च रक्तचाप भएपछि अस्पताल भर्ना गरिएको थियो । शल्यत्रिया गरेर बच्चा निकालिएको हो ।

तीन वर्षअघि सिनेमा निर्देशक शंकर घिमिरेसँग विवाह भएको थियो, ऋचाको । शंकरले विवाहपछिको सबैभन्दा ठूलो खुशीको क्षण भन्दै फेसबुकमा छोरो बाकेर ऋचासँगको फोटो अपलोड गरेका छन् ।

शल्यक्रिया भएपनि बच्चाको स्वास्थ्य सामान्य रहेको अस्पतालले जनाएको छ । बच्चाको तौल तीन किलो सात ग्राम रहेको छ । नेपाली रजतपटमा अब अर्की नायिका सचिञ्ता लुइटेलको पालो छ, सुत्केरी बन्ने । सञ्चिताले गएको वर्षसमेत बच्चा पाएकी थिइन् ।


तपाइको प्रतिक्रिया दिनुहोस्

नाम:
इमेल:
प्रतिक्रिया:
कोड: verification image, type it in the box