४७ हलमा 'कसले चोर्‍यो मेरो मन'

रेखा फिल्म्सको ब्यानरमा बनेको 'कसले चोर्‍यो मेरो मन' राजधानी र मोफसलमा समेत गरी ४७ हलमा चलिरहेको छ । अघिल्लो साता रिलिज भएको उक्त चलचित्रले मोफसलका हलबाट मात्रै पहिलो साता ७७ लाख रुपैयाँ कमाएको निर्माण पक्षले बताएको छ ।

'कसले चोर्‍यो मेरो मन' प्रेमकथामा आधारित चलचित्र हो । उक्त फिल्मले यही ब्यानरको अघिल्लो चलचित्र 'हिफाजत' लाई समेत उछिनेको कार्यकारी निर्देशक छविले ओझाले बताए ।

फिल्ममा आर्यन सिग्देल, रेखा थापा, नीर शाहलगायतको अभिनय गरेका छन् । सविर श्रेष्ठको निर्देशन र सञ्जय लामाको छायांकन रहेको यो फिल्मले १ करोड २५ लाखको व्यापार गरिसकेको छविले दाबी गरे ।