नम्रता अब क्रिकेटतिर

सेक्स भिडियो प्रकरणपछि करिब ४ महिनादेखि अर्धभूमिगत अवस्थामा रहेकी नायिका नम्रता श्रेष्ठ नेपाल आइस बिच क्रिकेट फेष्टिभल २०१० की गुड वील एम्बेसडर नियुक्त भएकी छिन् । एक महिनापछि हुने महोत्सवमा पूर्व मिस नेपाल माल्भिका सुब्बालाई प्रवर्द्धक बनाइएको छ । त्रिशुली नदी किनारमा कि्रकेट खेलेर मनाइने यो महोत्सवमा विभिन्न सरकारी तथा गैरसरकारी संस्थाको साथै नेपाली फिल्मका कलाकारको समेत सहभागिता रहनेछ ।

अशोक शर्माको नेतृत्वमा हिरो राजेश हमाल, निखिल उप्रेती र हिरोइन रेखा थापाको टोलीले सहभागिता जनाउनेछ । 'यो इभेन्टलाई सफल पार्न सक्दो प्रयास गर्छु' नम्रता भनिन् । 'सुरुमा त कि्रकेट सम्बन्धी फेष्टिभलको एम्बेसडर हुने भन्दा उत्साहित थिइन । बुझ्दै गएपछि एकदमै इन्टेष्टिङ लागिरहेको छ' - नम्रताले भनिन् ।

फिल्मस्टार टिमको तर्फबाट खेल्न लागेका उनीहरु पदकका लागि भने प्रतिस्पर्धा गर्न लागेका होइनन्न् । सांगि्रला कि्रकेट एकेडेमीले कुरिनटारमा चैत १३ देखि गर्न लागेको बिच क्रिकेटमा क्रिकेट र खेल पर्यटनको विकासका लागि उनीहरु खेल्न लागेका हुन् । नरम बलले बालुवामा खेलिने पाँच ओभरको उक्त खेलमा प्रत्येक टिममा पाँच खेलाडी रहने बुधबार पत्रकार सम्मेलनमा जानकारी दिइयो । क्यारेवियन पुल पार्टीसहित डिजे संगीत रहने महोत्सव वैशाख ४ मा सकिनेछ ।