म त दर्शककी नायिका !: युना उप्रेती

नायिका युना उप्रेतीले अभिनय गरेको चलचित्र फर्केर हेर्दा (फ्ल्यास ब्याक) राजधानीमा प्रदर्शनका लागि तयार भएको छ । यो चलचित्रमा नायिका उप्रेतीले नायक राजबल्लभ कोइरालासँग गरेको 'किस सिन' का कारण पनि चर्चामा छ । तीन वर्षको अन्तरालमा सातवटा चलचित्रमा अवसर पाएकी युना चलचित्रमा अभिनयभन्दा पनि निर्देशक दिपक श्रेष्ठसँगको कारण चर्चामा आउने गरेकी छन् । गोपीकृष्ण मुभिजको चलचित्र 'पर्खी बसें'का लागि पहिलो पटक नायिका हुने अवसर पाएकी उनी स्थापित नायिकाहरूको दौडमा अझै सामेल नभए पनि लगातार चलचित्रमा काम गरिरहेकी छिन् । पछिल्लो पटक श्रेष्ठकै निर्देशनमा बनेको चलचित्र 'पहिलो¬पहिलो माया'ले सफलता पाएपछि युनाको चर्चा फेरि हुन थालेको छ, तर निर्देशक श्रेष्ठसँग उनको नाम जोडिने क्रम भने यथावत् छ । 'फ्ल्यास ब्याक' त निक्कै हट छ जस्तो छ नी ? कुन आधारमा हट भन्दै हुनुहुन्छ । हट हुने गरी त्यस्तो के दृश्य देख्नु भयो र फ्ल्यास व्याकमा ? फिल्मको पोष्टरमा त किस सिन देखिन्छ त ? के किस सिन दिदैमा फिल्म हट हुन्छ र? त्यो त स्क्रिप्टको डिमाण्ड थियो । त्यसमाथी, आज भोलि किस सिनको कहाँ चर्चा हुन्छ र? किस सिन त नर्मल हुन थालिसक्यो त । धेरै फिल्ममा धेरै नायिकाले किस सिन दिनुभएको छ । तपाई दीपक श्रेष्ठका चलचित्रमा मात्र किन काम गर्नुहुन्छ ? किन फर्केर हेर्दा (फ्ल्यास ब्याक) दीपक श्रेष्ठको फिल्म हो र ? त्यसैले अहिले नै त्यस्तो भनि हाल्न मिल्दैन, किनभने यो अवधिमा मैले काम गरेका दुई चलचित्र 'र्फज' र 'फ्ल्यास ब्याक'का निर्देशक दीपक श्रेष्ठ होइनन् ।'फर्ज'लाई मदन घिमिरे र 'फ्ल्यास ब्याक'लाई दयाराम दाहालले निर्देशन गर्नुभएको हो । तैपनि बाँकी सबै चलचित्रका निर्देशक त दीपक श्रेष्ठ नै हुन् ? मेरो पहिलो चलचित्रको निर्देशक उहाँ नै हुनुहुन्थ्यो । उहाँलाई मेरो काम मन परेको होला, त्यसैले प्रायः मलाई आफ्ना चलचित्रमा सम्झनुहुन्छ, तर म उहाँकी मात्रै नायिका होइन । अरू निर्देशकबाट प्रस्ताव आए म सहर्ष स्वीकार गर्छु र गरिरहेकी पनि छु । दीपक श्रेष्ठको 'क्याम्प'मा भएसम्म अरूले प्रस्ताव गर्लान् र ? मैले बारम्बार भन्दै आएकी छु कि म कसैको 'क्याम्प'की नायिका होइन । म त कुनै निर्दैशककी मात्र नभई दर्शककी नायिका हुँ । यदि मलाई कसैले आफ्ना चलचित्रका लागि सुहाउँदो मान्नुभयो भने अवश्य पनि म काम गर्न तयार हुनेछु । कुनै अरू निर्देशकसँग कुरा भएको छ ? मैले कसैलाई अहिलेसम्म मलाई आफ्नो चलचित्रमा नायिका बनाउनुहोस् भनेर आग्रह गरेकी छैन र म त्यसरी भन्न पनि सक्दिनँ । केहीले कुरा गर्नु पनि भएको हो, तर पछि अर्कैलाई लिएको सुनें । कारण केलाउन खोज्नुभएको छ ? म चलचित्रमा ग्ल्यामरस रूपमा प्रस्तुत भएकी छैन, एउटा कारण त त्यही होला । अर्को हल्ला चलेजस्तो 'क्याम्पकी हिरोइन' भनेर पनि हो कि ? तर जतिले पनि मेरा बारे त्यो भ्रम पालेर बस्नुभएको छ वहाँहरूलाई भन्न चाहन्छु । कृपया मलाई त्यस्तो भुमरीमा नपारि दिनुहोस् । फेरी दीपककै निर्देशनमा अर्को चलचित्रमा काम गर्दै हुनुहुन्छ नि ? यसलाई चाहिँ संयोग भन्नु पर्ला । मलाई त्यो चलचित्रका लागि दीपक सरले होइन, गोपीकृष्ण मुभिजले नै अफर गरेको हो ।