दर्शकको मायाले मोटाएँ: सम्झना बुढाथोकी: सम्झना बुढाथोकी

लोकदोहोरीको नृत्यरानी सम्झना बुढाथोकी नृत्यबाट स्टेज तताउन माहिर छन् । सम्झनाकै कारण अधिकांश ‘शो’ हिट हुन्छन । प्राय उनी बिदेशमा नेपालीहरुले गर्ने कार्यक्रममा ब्यस्त हुन्छिन् । नृत्यबाटै कमाएको पैसाबाट काठमाडौंको बालाजुमा घर बनाइरहेकी सम्झनासँग फिल्मनेपाल डटकमले गरेको छोटो कुराकानीः -आजकल के गर्दै हुनुहुन्छ ? ल्होसार कन्सर्टमा सहभागी हुनका लागि मलेसिया जाँदैछु । -प्रस्तुती के दिँदै हुनुहुन्छ ? मैले गर्ने भनेको डान्स हो । त्यहाँ पनि मैले डान्स गर्ने हो । -तयारी कस्तो चल्दै छ ? तयारी धुमधडाकका साथ गर्दै छु । मेरो सिंगल डान्स भएकाले त्यसैको तयारीमा लागेको छु । मौलिक तरिकाले लोक झल्को दिने डान्समा मेरो ध्यान केन्द्रीत छ । –तपाई जहाँ जानुहुन्छ त्यहाको कार्यक्रम हिट हुन्छ रे नि ? जल्लदोवल्दो कलाकार भएकोले त्यसो भएको हुनसक्छ । अरूको भन्दा मेरो डान्स विशेष हुन्छ नि त । -विदेश भ्रमण गर्ने तपाई सबैभन्दा व्यस्त कलाकार हो ? हुनसक्छ, विदेशमा गएर राम्रो डान्स गर्ने भएकोले मेरो व्यस्ता अलि बढेकै हो की । -पैसा पनि राम्रै आम्दानी गर्नुभएको छ रे ? गाडी, वंगला के-के जोड्नु भयो ? पैसा नभई त कसले नै काम गर्छ र ? मैले पनि पैसाकै लागि काम गरेकी हूँ । टन्न हैन खान पुग्ने कमाएको छु । गाडी छैन वंगला चाहीँ बालाजुमा बनाउँदै छु । -तपाई फेरी बिहे गर्ने तयारीमा हुनुहुन्छ रे नि ? मैले पहिलो बिहे गरेको भए न दोस्रो हुन्थ्यो । मैले त बिह नै गरेको छैन । र अर्को बिहेको लागि पनि आतुर छैन । -तपाई मोटाउनु भएको छ । डान्स गर्न अप्ठ्यारो हुदैँन ? म मोटाएको कुरा स्वभाविक हो । दर्शकको माया धेरै भएर मोटाएको पनि पक्का हो । म दर्शकहरुसँग सन्तुष्ट छु । अर्को कुरा भैँसीलाई सिङको भारी हुदैँन, मलाई पनि ज्यान भारी भाको छैन ।